السبت، 10 مايو، 2014

تمثال رخام


أجلس إلى كرسي من رخام

في الحديقة المليئة بأشجار وزهور

ورغم ذلك لا تمنع وصول الشمس إليّ

قد جلست بزاوية قدرها خمس وأربعون درجة

إلى الزاوية ..فليرسمني الرسام بنصف وجه

وليأتوا بنحاتٍ شاب يرغب في مجده

فينحت..

امرأة شابة جميلة الوجه والجسد

تنظر إلى الفراغ اللامتناهي في ضوضاء تشابك

الأشجار

قد فقدت ذراعـًا أثناء البحث عن الحقيقة

ثم فقدت الآخر وهي تـُصدق

قد ظنت الحقيقة حقـًا لا وجهات نظر

ثم تاهت روحها وسط الظلال

وحين أشرقت سماؤها كانت قد تلاشت

وسط الظلال كل شيء يضيع..حلو أو عـَكِرّ

بكت العينان حتى جف الدمع وتحجّرت مُقلتاها

لم يأتِ أحدُ ليخبرها أن كل شيء سيكون على ما يـُرام

وأنهم سيفتقدونها

فتيبس جسدها ردًا على رغبتها في عدم النهوض أو الرحيل من المكان.

الشمس مـُشرقة والجو مبهج والتمثال –هي- الشيء الوحيد

الباهت في الصورة .


عن الإندماج..مثلاً



إزيك يا لو؟

وحشتيني..وحشتني القعدة والوقفة والجري والمرمطة معاكِ..وحشني تأملي في تفاصيلك وصوتك الناعم الرخيم الهاديء..وحشني حضنكِ الدافيء اللي بتحبسيني جواه خايفة أهرب..انتي عارفة إني مش بخافك بس بخاف التورط في الحب معكِ ساعة لما ننفصل.هزعل وأعيط..بس أوعدك..المرة الجاية مش ههرب بعيد : ) !

*****

وحشني تأملات رارا فيّ وأنا عاملة من بنها وقـُبلاتها الهادئة...لمعة عينيها...لمعة عينيكِ يا رارا،كلمتك عنها قبل كدا؟!
***

رغم الحياة المقرفة لسه الأمور السحرية بتحصل ويومـًا ما يا لو ويا رارا ويا عـُلا ويا سارة ويا منى ويا يمنى ويا أنا هتلاقي اللي بيقولك بكل إيمان : " أنا شايف النور جواكِ" .. ساعتها تمسكن به..التاس دي ما بتتكررش كتير.

***

بقالي أكتر من أسبوع مش عارفة أكتب حاجة حلوة..مش عارفة أكتب بس أنا بكتب دلوقتي حتى لو عاميّ..الموضوع صعب بس مش مستحيل.

***

كلمتك عن عدم الإندماج كتير يا لو..قد إيه هو متعب..عدم قدرتك على الإندماج في محيطك..لحد فترة قريبة كنت مقتنعة إني نبات مش بقدر أعيش من غير مياه وشمس ..كمان اكتشفت مؤخرًا إني نبات صحراوي..على قد ماهو بيحب يعيش لوحده وعوّد نفسه ما يستناش مساعدة من حد عشان يعيش قد ماهو مشتاق جدًا للمطر والغيث حتى لو ذاته ماتت بعده.

***

العالم الموازي حلو وبيكبر كل يوم..مين يصدق إن الحياة المزرية دي فيها ناس حلوة زيك يا لو وزي رارا.
المدينة ضلمة عندي بس فيها نجوم منّورة..هي دي اللي بتخليك قادر تستحمل وتكمل..تصحى كل يوم عشان بس تستنى تشوفهم صـُدفة أو من غير ترتيب.
قلت لك قد إيه اللقاءات غير المرتبة مسبـقـًا حلوة؟ بشرط بس تبقي لابسة حلو وشعرك مضبوط والميك آب مش سايح :D

***

بالمناسبة ياللي على شمالي ،ماتبصيش أنا بكتب إيه ولا مش بكتب شعر..بكتب نثر..ركزي في المذاكرة.
وانتي يا سارة بـُصي قدامك..مابحبش حد يبص لي وأنا بكتب..الكتابة رزق زي ما انتي عارفة.
/
عالمي الموازي اللي بحبه..
سارة/عـُلا/منى/عمر/يمنى/محمد/..انتوا حلوين كدا إزاي ؟! : )


..

كتبت/ سارة حسين

30/04/2014

10:06 صباحـًا